Balakəndə selin apardığı kişinin meyiti tapılıb - YENİLƏNİB

Balakəndə selin apardığı 43 yaşlı kişinin meyiti tapılıb.

APA-nın Şimal-qərb bürosunun məlumatına görə, aparılan axtarışlar nəticəsində Katex çayında sel sularının gətirdiyi ağac kötüklərini yığan zaman suyun apardığı 43 yaşlı Aslan Rzayevin meyiti Katex kənd 2 saylı məktəbin arxasından keçən çaydan tapılaraq aidiyyəti üzrə təhvil verilib.

Faktla bağlı araşdırma aparılır.

***

16:20

Balakəndə 43 yaşlı kişini sel aparıb.

APA-nın şimal-qərb bürosunun məlumatına görə, Balakən rayonu Katex kənd sakini, 1983-cü il təvəllüdlü Aslan Rzayev Katex çayında sel sularının gətirdiyi odun parçalarını yığmaq istəyərkən ehtiyatsızlıqdan suya yıxılıb.

Hazırda onun axtarışı davam etdirilir.