Azərbaycanda bu il 3 mln. tona yaxın neft emal edilib

Bu ilin birinci yarısında Azərbaycanda 2,9 mln. ton neft emal edilib, bu da ötən ilin müvafiq dövrünün göstəricisinə bərabərdir.

Bu barədə "APA-Economics" Energetika Nazirliyinə istinadən xəbər verir.

Xatırladaq ki, ötən il Azərbaycanda 6,2 mln. ton neft emal edilib. Bu da illik müqayisədə 6,9% artım deməkdir.

Qeyd edək ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod (NEZ) respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.