Azərbaycandan Gürcüstana pul köçürmələri artıb

Bu ilin iyun ayında Azərbaycandan Gürcüstana 3,32 milyon ABŞ dolları həcmində pul köçürmələri həyata keçirilib.

APA-nın yerli bürosu Gürcüstan Milli Bankına istinadla xəbər verir ki, bu, ötən ilin eyni dövrü ilə müqayisədə 6,93% çoxdur.

Ötən ay Gürcüstana daxil olan pul köçürmələrində Azərbaycanın payı 0,95% təşkil edib.

Hesabat ayında Gürcüstandan Azərbaycana isə 7,67 milyon ABŞ dolları həcmində pul köçürülüb ki, bu da illik nisbətdə 33,6% çoxdur.

İyunda xarici ölkələrdən Gürcüstana ümumilikdə 348,26 milyon ABŞ dolları həcmində pul köçürmələri daxil olub, qonşu ölkədən xaricə isə 39,8 milyon ABŞ dolları məbləğində pul vəsaitləri göndərilib.