Ceyhun Bayramov-Lavrov görüşündə Xəzərin səviyyəsinin azalması probleminə xüsusi diqqət çəkilib

Xəzər mövzusu çərçivəsində məsələlərin bütün spektri müzakirə edilib. APA xəbər verir ki, bunu xarici işlər naziri Ceyhun Bayramov Moskvada Rusiya xarici işlər naziri Sergey Lavrovla birgə mətbuat konfransında deyib.

Nazir bildirib ki, Xəzər dənizinin səviyyəsinin azalması probleminə xüsusi diqqət çəkilib: “Bunun ciddi ekoloji, eləcə də sosial-iqtisadi nəticələr doğura biləcəyi bildirilib. Qeyd olunub ki, bu problemin həlli üçün bütün Xəzəryanı dövlətlərin səylərinin birləşdirilməsi, birgə elmi tədqiqatların aparılması və kompleks praktiki tədbirlərin həyata keçirilməsi zəruridir”.