Aİ Rusiyanın hərbi-sənaye kompleksinə qarşı yeni sanksiyalar tətbiq edib

Avropa İttifaqı (Aİ) Rusiyanın Ukraynaya son hava hücumlarına cavab olaraq yeni sanksiyalar qəbul edib.

APA xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas “X”-də bildirib.

Məlumata görə, yeni sanksiyalar Rusiyanın hərbi-sənaye kompleksində fəaliyyət göstərən beş fiziki şəxsi hədəf alır.

Paylaşımda vurğulanıb ki, Ukraynaya qarşı həyata keçirilən hər yeni hücum Rusiyaya təzyiqlərin daha da artırılması üçün əsas yaradır.