Aİ-nin xüsusi nümayəndəsi: Vaşinqton Sammitindən sonra sülh prosesində atılan addımları alqışlayırıq

Avropa İttifaqı (Aİ) Azərbaycan-Ermənistan sülh prosesinin irəlilədilməsi istiqamətində son bir ildə atılan müsbət və konstruktiv addımları alqışlayıb.

APA xəbər verir ki, bu barədə Aİ-nin Cənubi Qafqaz və Gürcüstandakı böhran üzrə xüsusi nümayəndəsi Maqdalena Qrono “X” hesabında 2025-ci il avqustun 8-də keçirilmiş Vaşinqton Sammitinin birinci ildönümü ilə bağlı paylaşım edilib.

“Bu gün Azərbaycan, Ermənistan və ABŞ liderlərinin 8 avqust 2025-ci ildə keçirilmiş tarixi Vaşinqton Sammitinin birinci ildönümüdür. Aİ həmin vaxtdan etibarən sülh prosesinin daha da institusionallaşdırılması və irəlilədilməsi istiqamətində atılan bir sıra müsbət və konstruktiv addımları qətiyyətlə alqışlayır”, – paylaşımda bildirilib.