Kolumbiya İsrailin Colan təpələri üzərində suverenliyini tanıdığını açıqlayıb

Kolumbiya hökuməti İsrailin Colan təpələri üzərində suverenliyini rəsmən tanıdığını açıqlayıb.

APA xəbər verir ki, bu barədə Kolumbiyanın Xarici İşlər Nazirliyinin yaydığı bəyanatda bildirilib.

Məlumata görə, qərar İsrailin təhlükəsizlik ehtiyacları və Yaxın Şərqdəki qeyri-sabitlik fonunda ərazisinin strateji əhəmiyyəti nəzərə alınaraq qəbul edilib.

Nazirlik vurğulayıb ki, regionda uzunmüddətli qeyri-sabitlik şəraitində Colan təpələri üzərində İsrailin nəzarəti ölkənin milli müdafiəsi və vətəndaşlarının təhlükəsizliyinin təmin edilməsi baxımından strateji zərurət təşkil edir.