İranda Silahlı Qüvvələrə 6 yüksək rütbəli komandan təyin edilib

İranın Ali Rəhbəri Ayətullah Seyid Müctəba Hüseyni Xamenei ayrı-ayrı sərəncamlarla 6 yüksək rütbəli hərbçini Silahlı Qüvvələrdə rəhbər vəzifələrə təyin edib.

APA-nın Tehran bürosunun məlumatına görə, general-mayor, pilot Əli Abdullahi Silahlı Qüvvələrin Baş Qərargah rəisi, general-leytenant Kiyomərs Heydəri isə Silahlı Qüvvələrin Baş Qərargah rəisinin müavini təyin olunub.

Bundan başqa general-mayor Əhməd Vahidi İslam İnqilabı Keşikçiləri Korpusunun (SEPAH) baş komandanı vəzifəsinə, general-mayor Mustafa İzyidi isə SEPAH-ın baş komandanının müavini vəzifəsinə təyinat alıb.

Digər sərəncamlara əsasən, SEPAH Hərbi Dəniz Qüvvələrinin komandanlığı admiral Əli Azməyə, “Bəsic” qüvvələrinin rəhbərliyi isə Hüseyn Taibə həvalə olunub.