Etna vulkanının püskürməsi səbəbilə Kataniya hava limanının bağlı qalma müddəti uzadılıb

Siciliyadakı Etna vulkanının püskürməsi və atmosferə vulkan külünün atılması səbəbilə Kataniya hava limanının bağlı qalma müddəti uzadılıb.

APA xəbər verir ki, bütün uçuşlar və hava limanına enişlər avqustun 11-i yerli vaxtla saat 06:00-dək təxirə salınıb.

İtaliyanın Milli Geofizika və Vulkanologiya İnstitutunun məlumatına görə, Etna vulkanının Voracine kraterində intensiv və fasiləsiz partlayış aktivliyi davam edir.

Vulkanın külü cənub-cənub-qərb istiqamətində yayılır, iki püskürmə ocağından isə lava axınları çıxır.