Zelenski: ABŞ "Patriot" sistemləri üçün raketlərinin 5%-ni versə Ukrayna qışdan çıxacaq

“Ukraynaya qarşıdan gələn qışı keçirmək üçün ABŞ-ın “Patriot” hava hücumundan müdafiə sistemləri üçün raket ehtiyatının azı 5%-i lazımdır”.

APA xəbər verir ki, bunu Ukrayna prezidenti Volodimir Zelenski bildirib.

Onun sözlərinə görə, ABŞ ehtiyatlarının 10%-i Ukraynaya verilsə, ölkə Rusiyanın ballistik raketlərinin hamısını məhv edə bilər.

Zelenski onu da qeyd edib ki, Ukraynanın “Patriot” raketləri ehtiyatı demək olar ki, tükənib və hazırda 2025-ci illə müqayisədə 2,5 dəfə az sursat var.