Zelenski İlon Maskı “Azadlıq Ordeni” ilə təltif edib

Ukrayna Prezidenti Volodimir Zelenski “Tesla” və “Space X” şirkətinin rəhbəri İlon Maskı təltif edib.

“UNIAN”ın xəbərinə görə, Mask “Azadlıq Ordeni” ilə təltif olunub.

Zelenski İlon Maskı “Ukrayna və ABŞ xalqları arasındakı əlaqələrin inkişafı, insan həyatının və azadlıqlarının qorunmasında mükəmməl şəxsi müvəffəqiyyətlərə görə” təltif edib.

Qeyd edək ki, bu ilin əvvəlində İlon Mask Rusiyanın “Starlink” peyk-kommunikasiya şəbəkəsindən istifadə imkanlarını məhdudlaşdırıb.