Meloni Prezident İlham Əliyevə təşəkkür edib: İtaliya və Azərbaycan möhkəm əməkdaşlıq qurub

İtaliyanın Baş naziri Ciorcia Meloni Azərbaycan Respublikasının Prezidenti İlham Əliyevə təbrikinə görə təşəkkür edib.

APA xəbər verir ki, o, bu barədə “X”də paylaşım edib.

"Əziz Prezident İlham Əliyev, bu sözləriniz və xalqlarımızı bir-birinə bağlayan səmimi dostluğa görə təşəkkür edirəm. İtaliya və Azərbaycan illər ərzində ortaq baxış və maraqlara əsaslanan möhkəm əməkdaşlıq qurublar. Strateji tərəfdaşlığımızın möhkəmləndirilməsi istiqamətində birlikdə gördüyümüz işdən çox qürur duyuram və əminəm ki, xalqlarımızın maraqları naminə qarşıda əməkdaşlıq üçün yeni mühüm imkanlar açılacaq”, - deyə İtaliyanın Baş naziri qeyd edib.