Trampın nümayəndələri Moskvaya gəlib - YENİLƏNİB - FOTO

ABŞ prezidentinin xüsusi nümayəndəsi Stiv Uitkoff və Cared Kuşner Moskvaya gəliblər.

APA-nın Moskva bürosu xəbər verir ki, ABŞ prezidentinin xüsusi elçiləri, eləcə də onları qarşılayan Rusiya Birbaşa İnvestisiya Fondunun baş direktoru Kirill Dmitriyevi daşıyan avtomobil karvanı Vnukovo-2 hava limanından Moskvaya doğru yola düşüb.

***

12.30

ABŞ prezidentinin xüsusi nümayəndəsi Stiv Uitkoff və Cared Kuşner Rusiyaya səfərə gəlib.

APA-nın Rusiya bürosu xəbər verir ki, içərisində ABŞ nümayəndələrin olduğu güman edilən təyyarənin Vnukovo-2 hava limanına endiyi bildirilir.

Rusiya KİV-i Uitkoff və Kuşnerin avtomobil korteji olduğu ehtimal edilən görüntülərini yayıb.

Qeyd edək ki, ABŞ prezidentinin xüsusi elçilərinin Ukrayna münaqişənin nizamlanması ilə bağlı təkliflərini tərəflərə çatdırmaq üçün sentyabrın 5-6-da Moskva və Kiyevə səfər edəcəkləri açıqlanıb.