Budanov: “Avropa üçlüyü”nün nümayəndələri Kiyevə gəlib

ABŞ Prezidentinin xüsusi nümayəndəsi Stiv Uitkoff və kürəkəni Cared Kuşner ilə paralel olaraq, danışıqlarda iştirak etmək üçün Kiyevə “Avropa üçlüyü” adlandırılan qrupun – Fransa, Böyük Britaniya və Almaniyanın nümayəndələri də gəlib.

APA xəbər verir ki, bu barədə Ukrayna Prezident Ofisinin rəhbəri Kirill Budanov X-da paylaşımında bildirib.

“Stiv Uitkoff və Cared Kuşnerin rəhbərlik etdiyi Amerika nümayəndə heyətini Kiyevdə qarşılamaqdan məmnunam. Qarşıda bizi sıx proqram və mühüm danışıqlar gözləyir. Kiyev həmçinin Avropadakı tərəfdaşlarımız – Fransa, Böyük Britaniya və Almaniyanın nümayəndələrinə ev sahibliyi edir. Birlikdə Ukrayna üçün ədalətli və davamlı sülhə nail olmaq istiqamətində çalışırıq”, – deyə Kirill Budanov qeyd edib.