Ermənistan və Azərbaycanın saxlanılanları azad etməsinə - Millerdən reaksiya

“Bu, Ermənistan və Azərbaycan tərəfləri arasında etimadın möhkəmləndirilməsi tədbiridir”.

“Qafqazinfo” xəbər verir ki, bu barədə Dövlət Departamentinin rəsmi nümayəndəsi Metyu Miller sosial media hesabında yazıb.

O bildirib ki, ABŞ Ermənistan və Azərbaycanın 34 saxlanılanı azad etməsini alqışlayır:

“Bu, tərəflərin sülh sazişini yekunlaşdırmaq və münasibətləri normallaşdırmaq üçün çalışdığı bir vaxtda mühüm etimadın möhkəmləndirilməsi tədbiridir. Biz Ermənistan-Azərbaycan sülh danışıqlarını dəstəkləməyə sadiq qalırıq”.