Rusiya ordusu Kiyevdə Elmlər Akademiyasının binasını dronla vurub, 2 akademik ölüb - VİDEO

Kiyevdə Ukrayna Milli Elmlər Akademiyasının binasına dron zərbəsi nəticəsində iki akademik ölüb.

Bu barədə “UNIAN” Ukrayna Milli Elmlər Akademiyasının prezidenti Anatoli Zaqorodnıya istinadən məlumat yayıb.

Onun sözlərinə görə, daha bir neçə akademiklə əlaqə saxlamaq mümkün deyil.

Bildirilib ki, hazırda hadisə yerində axtarış-xilasetmə işləri davam etdirilir.

***

15:12

Kiyevin mərkəzində Rusiya PUA-sı Ukrayna Milli Elmlər Akademiyasının binasına düşüb, yanğın baş verib.

"Antikor"-un xəbərinə görə, hadisə zamanı binanın daxilində insanlar olub və onlar pəncərələrdən çıxmağa çalışıblar.

Onların vəziyyəti barədə hələlik məlumat yoxdur.

Kiyev meri Vitali Kliçko əvvəlcə Şevçenkiv rayonunda PUA-nın qeyri-yaşayış binasına düşdüyünü və yanğın baş verdiyini açıqlayıb.

Qeyd edək ki, Ukrayna mediası daha sonra söhbətin Milli Elmlər Akademiyasının binasından getdiyini bildirib.