Azərbaycan AİİB-in 11-ci İllik Toplantısı çərçivəsində müdirlərin dəyirmi masasında iştirak edib

Azərbaycan Asiya İnfrastruktur İnvestisiya Bankının (AİİB) 11-ci İllik Toplantısı çərçivəsində müdirlərin dəyirmi masasında iştirak edib.

“APA-Economics” xəbər verir ki, bu barədə iqtisadiyyat naziri Mikayıl Cabbarov “X” hesabında paylaşım edib.

“Asiya İnfrastruktur İnvestisiya Bankının (AİİB) 11-ci İllik Toplantısı çərçivəsində müdirlərin dəyirmi masasında iştirak etdik. Müzakirələrdə AİİB ilə üzv ölkələr arasında gələcək əməkdaşlığın prioritetləri, Bank tərəfindən maliyyələşdirilməsi planlaşdırılan yeni investisiya layihələri, regional əməkdaşlıq və inteqrasiya imkanlarının genişləndirilməsi, iqtisadiyyatın gücləndirilməsi və infrastrukturun inkişaf etdirilməsi məsələləri nəzərdən keçirildi”, - paylaşımda qeyd edilib.