Dünya bazarlarında neft cüzi bahalaşıb

İyunun 28-də ICE London qitələrarası birjasında keçirilən ticarət əməliyyatlarının gedişində Brent neftinin ixracına dair sentyabr müqaviləsinin dəyəri 0,02 dollar və ya 0,02% artaraq 1 barelə görə 86.41 dollar təşkil edib.

"APA-Economics"in məlumatına görə, Nyu-Yorkun NYMEX əmtəə birjasında 2024-cü ilin avqust ayında ixrac etməklə WTI markalı neftin 1 barelinin qiyməti isə 0,20 dollar və ya 0,24% azalaraq 81.54 dollara enib.