Azərbaycanda pul baratları üzrə müsbət saldo 830 mln. dolları ötüb

Bu ilin yanvar-sentyabr aylarında Azərbaycana daxil olan və ölkədən göndərilən pul baratları arasındakı fərq 830,5 milyon ABŞ dolları təşkil edib.

“APA-Economics” xəbər verir ki, bu barədə Azərbaycan Mərkəzi Bankının açıqlamasında bildirilib.

İlkin məlumatlara görə, pul baratları üzrə müsbət saldo ötən ilin müvafiq dövrü ilə müqayisədə 70% artıb.

Qeyd edək ki, yanvar-avqust aylarında bu göstərici 751 milyon dollar olub. Beləliklə, doqquz aylıq müsbət saldo səkkiz aylıq göstəricidən 79,5 milyon dollar çoxdur.