Ağdaş və Göyçayın bəzi kəndlərində elektrik enerjisinin verilişində fasilə yaranacaq

Oktyabrın 13-də Ağdaş və Göyçay Elektrik Şəbəkələrində (EŞ) 10 kV-luq bir sıra hava xətlərində və Komplekt Transformator Məntəqəsində (KTM) təmir, eləcə də hava xəttinə toxunan ağacların budanması işləri həyata keçiriləcək.

APA xəbər verir ki, bu barədə “Azərişıq” ASC məlumat yayıb.

Ağdaşın Ağzıbir, Aşağı Nemətabad, Hacılar, Xınaxlı, Kotavan, Qaraoğlan, Qobuüstü, Pirəzə, Pirkəkə, Yenikənd, Yuxarı Nemətabad kəndlərinin bir hissəsində saat 10:00-dan 15:00-dək elektrik enerjisinin verilişində məhdudiyyət tətbiq olunacaq.

Göyçayda Qaraməryəm, Qarayazı, Şahsoltanlı və Yekəxana kəndlərinin bəzi ərazilərində saat 11:00-dan 16:00-dək enerjinin verilişində qısa müddətli fasilə yaranacaq.

Görüləcək işlər yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.