Azərbaycanda icbari tibbi sığorta haqları üzrə daxilolmalar 500 mln. manata yaxın olub

2024-cü ilin yanvar-iyun ayları ərzində işsizlikdən sığorta haqları üzrə daxilolmalar 2023-cü ilin müvafiq dövrü ilə müqayisədə 12,6% artaraq 100 milyon manata yaxın olub. Qeyri-büdcə təşkilatları üzrə daxilolmalar 14,7% artaraq 74,6 milyon manat olub.

Bu barədə “APA-Economics”ə İqtisadiyyat Nazirliyi yanında Dövlət Vergi Xidmətindən bildirilib.

Qeyd edilib ki, hesabat dövründə icbari tibbi sığorta haqları üzrə daxilolmalar 2023-cü ilin yanvar-iyun ayları ilə müqayisədə 7,7% artaraq 486,8 milyon manat olub. Qeyri-büdcə təşkilatları üzrə daxilolmalar 8,3% artaraq 340,6 milyon manatdan çox olub.