Birinci Qarabağ müharibəsində şəhid olan Məhəmməd Mirzəyevin qalıqları Ağdamda dəfn olunur

1992-ci ilin fevral ayının 17-də Xocavənd rayonunun Qaradağlı kəndi istiqamətində gedən döyüşlərdə itkin düşən və 32 il sonra meyitinin qalıqları tapılan Birinci Qarabağ müharibəsinin şəhidi, Ağdam rayon Güllücə kənd sakini, 1967-ci il təvəllüdlü Məhəmməd Hüseyn oğlu Mirzəyevlə vida mərasimi keçirilir.

APA-nın yerli bürosu xəbər verir ki, vida mərasimi onun ailəsinin müvəqqəti məskunlaşdığı Ağdam rayonu, Dörd yol-2 qəsəbəsindəki evdə başlayıb.

Daha sonra isə şəhidin cənazəsi rəsmi vida mərasimi keçirilmək üzrə Ağdam Dövlət Dram Teatrının binasına gətirilib.