“Fövqəladə hallar könüllüləri” proqramı üçün seçilənlər təlimlərə cəlb edilib

“Fövqəladə hallar könüllüləri” proqramı üçün seçilən növbəti könüllülər təlimlərə cəlb edilib

Bu barədə APA-ya Fövqəladə Hallar Nazirliyinin mətbuat xidmətindən bildirilib.

Məlumata görə, Fövqəladə Hallar Nazirliyini tərəfindən “Fövqəladə hallar könüllüləri” proqramı üçün seçilən növbəti könüllülər təlimlərə cəlb edilib.

Təlimlərdə FHN-in Dövlət Yanğından Mühafizə Xidmətinin mütəxəssisləri tərəfindən könüllülərə yanğın taktikası və onun vəzifələri, yanma prosesi, yanğınlarda insanların xilas edilməsi və özünüxilasetmə üsulları, nəfəs orqanlarının fərdi mühafizə vasitələri, yanğın-texniki alətlərlə işləyən zaman texniki təhlükəsizlik qaydaları barədə məlumatlar verilib və praktiki tapşırıqlar yerinə yetirilib.

Təlimlər çərçivəsində proqram iştirakçılarına fövqəladə hallar zamanı tətbiq edilən avadanlıqlardan istifadə qaydaları əyani şəkildə nümayiş olunub.