Türkiyə səfirinin müavini İsrail XİN-ə çağırılıb

İsrailin xarici işlər naziri İsrael Kats Türkiyənin bu ölkədəki səfirinin müavinini Xarici İşlər Nazirliyinə çağırıb.

APA-nın məlumatına görə, bu barədə İsrail mediası xəbər yayıb.

Bildirilib ki, səfir müavininə HAMAS lideri İsmayıl Haniyənin ölümü ilə bağlı Tel-Əvivdəki səfirlik binasının önündəki Türkiyə bayrağının endirilməsinə dair etiraz bildirilib.

Hələlik Türkiyənin Xarici İşlər Nazirliyi yayılan xəbərə münasibət bildirməyib.