Braziliyada göyərtəsində 62 nəfər olan təyyarə qəzaya uğrayıb, sağ qalan olmayıb - VİDEO - YENİLƏNİB

Vinhedo bölgəsinin rəsmiləri Braziliyada baş verən təyyarə qəzasında heç kimin sağ qalmadığını açıqlayıb.

APA xəbər verir ki, təyyarə 58 sərnişin və 4 ekipaj üzvü ilə Kaskaveldən havaya qalxıb Quarulyos istiqamətində hərəkət edib.

Təyyarə, Vinhedo şəhərinin yaşayış massivlərindən birinin üzərinə yerə çırpılıb. Hadisə zamanı yerdə xəsarət alan olmayıb.

Qəzanın səbəbi hələ ki, məlum deyil.

***

21:38

Braziliyanın cənub-şərqində San-Paulu ştatının Vinhedo bölgəsində göyərtəsində 58 sərnişin və 4 ekipaj üzvü olan sərnişin təyyarəsi qəzaya uğrayıb.

APA xəbər verir ki, bu barədə “G1” xəbər portalı məlumat yayıb.

Portalın yaydığı məlumata görə söhbət təxminən 68 sərnişin daşımaq üçün nəzərdə tutulmuş ATR 72 model təyyarədən gedir.

Təyyarənin daxili reyslə Kaskaveldən Quarulyosa uçduğu bildirilir.

Portal hadisə zamanı ölən və xəsarət alanlarla bağlı məlumat verməyib.