Rusiya "Akkuyu" layihəsi üçün 9 milyard dollar vəsait ayırıb

Türkiyənin energetika və təbii sərvətlər naziri Alparslan Bayraktar Rusiyanın "Akkuyu" layihəsi üçün təxminən 9 milyard dollarlıq yeni maliyyələşmə təmin etdiyini açıqlayıb.

APA-nın Türkiyə bürosu xəbər verir ki, nazir bu barədə ilin yekunlarına dair verdiyi hesabatda qeyd edib.

“Rusiya "Akkuyu" üçün təxminən 9 milyard dollarlıq yeni maliyyə təmin edib. Bu, yəqin ki, 2026-2027-ci illərdə istifadə olunacaq. 2026-cı ildə oradan ən az 4-5 milyard dollar xarici maliyyə gələcək. 2026-cı ildə "Akkuyu" Atom Elektrik Stansiyasından ilk elektrik enerjisini istehsal etməyi hədəfləyirik. Beləliklə, Türkiyə nüvə enerjisindən elektrik istehsal edə biləcək", - o bildirib.