Ermənistanda bir gündə iki hərbçinin meyiti tapıldı

Ermənistan Müdafiə Nazirliyinin mövqelərindən birində zabit meyiti aşkarlanıb.

“Qafqazinfo” “Sputnik Armenia”ya istinadən xəbər verir ki, bu barədə hərbi idarənin mətbuat xidməti məlumat yayıb.

“Yanvarın 9-da saat 11:30-da Ermənistan Müdafiə Nazirliyinin N saylı hərbi hissəsinin mühafizə olunan ərazisində baş leytenant Mikael Samveloviç Danielyanın güllə yarası ilə meyiti aşkar edilib” , - məlumatda qeyd olunub.

Qeyd edək ki, bu gün saat 06:20-də Ermənistan Müdafiə Nazirliyinin hərbi hissələrindən birinin döyüş mövqeyində müddətli hərbi qulluqçu Karen Karapetyanın da güllə yarası ilə meyiti aşkar edilib.