“İsrail Qəzzanı işğal etmək fikrində deyil” - Netanyahu

“İsrail keçirdiyi hərbi əməliyyatda Qəzzanı işğal etmək və ya yerli Fələstin əhalisini köçürmək fikrində deyil”.

“Qafqazinfo” xəbər verir ki, bunu İsrailin Baş naziri Benyamin Netanyahu deyib.

Onun sözlərinə görə, Qəzza zolağındakı hərbi əməliyyatın məqsədi Qəzza zolağının HƏMAS terrorçularından təmizlənməsi və israilli girovların azad edilməsidir:

“İsrail HƏMAS terrorçuları ilə mübarizə aparır. Biz bunu da beynəlxalq hüquqa uyğun olaraq edirik” .