Bakıda "Sevgi şərbəti" operasının tamaşası nümayiş olunub

Bakı Musiqi Akademiyasının nəzdində Opera Studiyasında ukraynalı opera rejissoru Nikola Tretyakın quruluşunda səhnəyə qoyulan "Sevgi şərbəti" operasının tamaşası nümayiş olunub.

Azərbaycan Dövlət Akademik Opera və Balet Teatrından APA-ya verilən xəbərə görə, tamaşada Nemorino rolunu canlandıran Əməkdar artist, tanınmış vokal ifaçısı Ramil Qasımov sözügedən tamaşada ilk dəfə çıxış edib.

Eyni zamanda, ilk dəfə tamaşada çıxış edən Mahir Tağızadə Belkore obrazını ifa edib.

Qeyd edək ki, tamaşa ilk dəfə Xalq artisti Fəxrəddin Kərimovun idarəsi altında təqdim olunub.