Ukraynada hərbçi bölük komandirinin müavinini güllələyib, sonra intihar edib

Ukraynanın Nikolayev vilayətinin Berezneqovatoe qəsəbəsində çavuş bölük komandirinin müavinini, daha sonra özünü güllələyib.

APA xəbər verir ki, bu barədə yerli “Strana” nəşri prokurorluğa istinadən məlumat yayıb.

İnsident yanvarın 7-də axşam saat 21:00 radələrində baş verib. Prokurorluğun məlumatına görə, bölüyün çavuşu öz avtomatından komandirə 6 dəfə atəş açıb.

"Berezneqovatı kəndində hərbi qulluqçu, ona təyin edilmiş avtomatdan bölük komandirinin müavininə 6 atəş açıb. Hadisə yerinə baxış keçirilib, şahidlər dindirilib. Biz hadisəni araşdırırıq”, - hüquq-mühafizə orqanlarının əməkdaşları bildirib.

Faktla bağlı Cinayət Məcəlləsinin “Qəsdən adam öldürmə” maddəsi ilə cinayət işi başlanıb.