Almaniya lideri çoxmillətli qüvvələrin Ukraynaya yerləşdirilməsi üçün şərtləri açıqlayıb

Əvvəl atəşkəs, sonra Ukraynaya təhlükəsizlik zəmanətləri, daha sonra isə Rusiya ilə uzunmüddətli sülh razılaşması olmalıdır.

APA "Phoneix" telekanalına istinadən xəbər verir ki, bu barədə Almaniya Kansleri Fridrix Mertz Ukraynada çoxmillətli qüvvələrin yerləşdirilməsi üçün lazım olan addımların ardıcıllığını izah edərkən bildirib.

“Və bütün bunlar Rusiyanın razılığı olmadan mümkün deyil. Görünür ki, biz hələ bundan kifayət qədər uzaqdayıq”, — Almaniya Kansleri vurğulayıb.