Vens: Qrenlandiya ABŞ-ın HHM sistemi və qlobal təhlükəsizlik üçün həlledici əhəmiyyət daşıyır

Qrenlandiya təkcə ABŞ-ın raket əleyhinə müdafiə sistemi üçün deyil, həm də qlobal təhlükəsizlik baxımından həlledici əhəmiyyətə malikdir. APA xəbər verir ki, bunu ABŞ-ın vitse-prezidenti Ceyms David Vens mətbuat konfransında bildirib.

Onun sözlərinə görə, Qrenlandiya Amerikanın raket əleyhinə müdafiəsi ilə yanaşı, bütün dünyanın raket əleyhinə müdafiə sistemi üçün son dərəcə vacibdir.