Şolts: "Ukraynadakı münaqişənin sonu görünmür"

Ukraynadakı münaqişənin sonu görünmür.

APA xəbər verir ki, bu barədə Almaniya kansleri Olaf Şolts bildirib.

Onun sözlərinə görə, Avropa Ukrayna Silahlı Qüvvələrinə dəstəyi davam etdirməlidir.

Şolts bildirib ki, 2024-cü ildə Almaniya Ukrayna Silahlı Qüvvələrinə dəstək üçün 7 milyard avrodan çox vəsait ayırmağı planlaşdırır. O deyib ki, nə qədər lazımdırsa Kiyevə yardım davam edəcək.

Bundan əvvəl Avropa İttifaqı Ukraynaya yaza qədər bir milyon mərmi tədarük edəcəyinə söz vermişdi.