Türkiyədə F-16 qəzaya uğrayıb, pilot şəhid olub

Türkiyənin Balıkeris şəhərində Türkiyə Hərbi Hava Qüvvələrinə məxsus F-16 qırıcı təyyarəsi qəzaya uğrayıb.

APA xəbər verir ki, bu barədə Türkiyənin Milli Müdafiə Nazirliyi məlumat yayıb.

Məlumata görə yerli vaxtlar gecə saat 00:56-da Balıkesirdən havaya qalxan F-16 təyyarələrindən biri radardan itib və ppilotla əlaqə saxlamaq mümkün olmayıb.

Dərhal başlanan axtarış-xilasetmə əməliyyatları nəticəsində təyyarənin qəzaya uğradığı müəyyən edilərək qalıqları tapılıb.

Pilotun şəhid olduğu bildirilir. Qəzanın səbəbi qəza araşdırma qrupu tərəfindən aparılacaq araşdırmalar nəticəsində müəyyən ediləcək.