Bu gün Hindistan Baş naziri İsrailə səfər edəcək

Bu gün Hindistanın Baş naziri Narendra Modinin İsrailə iki günlük rəsmi səfəri başlayır.

APA xəbər verir ki, bu barədə “Reuters” məlumat yayıb.

Məlumata görə, ABŞ-la İran arasında hərbi qarşıdurma riski artdığı bir dövrdə hər iki ölkə bu səfəri əlaqələri daha da möhkəmləndirmək fürsəti kimi təqdim edir.

Bildirilir ki, Hindistan və İsrail arasındakı ticarət əlaqələri son illərdə sürətlə inkişaf edib, xüsusilə müdafiə sənayesi sahəsində əməkdaşlıq güclənib.

Modinin səfəri zamanı təhlükəsizlik, texnologiya və kənd təsərrüfatı sahələrində bir sıra yeni anlaşmaların imzalanacağı gözlənilir.