Ukrayna və Rusiya Zaporojye AES yaxınlığında atəşkəsə razılaşıb

Ukrayna və Rusiya Zaporojye AES-in yüksək gərginlikli elektrik ötürücü xəttinin təmiri üçün lokal atəşkəs barədə razılaşıb.

APA xəbər verir ki, bu barədə Atom Enerjisi üzrə Beynəlxalq Agentlik (AEBA) məlumat yayıb.

Bildirilib ki, AEBA-nın vasitəçiliyi ilə Zaporojye Atom Elektrik Stansiyasının 330 kV-luq ehtiyat enerji təchizatının bərpasına imkan verəcək atəşkəs razılaşdırılıb.

“Briqadalara təhlükəsiz girişi təmin etmək üçün təmir işlərinin aparılacağı ərazidə minatəmizləmə əməliyyatları davam edir”, - AEBA-nın baş direktoru Rafael Qrossi qeyd edib.