Azad olunmuş ərazilərdə yol layihələrinin böyük hissəsi 2025-ci ildə tamamlanacaq

Azad olunmuş ərazilərdə 16 yol layihəsi icra olunur, onlardan üçünün reallaşdırılması artıq bitib.

"APA-Economics" xəbər verir ki, bunu Azərbaycan Avtomobil Yolları Dövlət Agentliyinin (AAYDA) İdarə heyətinin sədri Saleh Məmmədov jurnalistlərə açıqlamasında deyib.

Onun sözlərinə görə, Bərdə-Ağdam, Hadrud-Füzili avtomobil yoları və "Zəfər yolu" üzrə işlər artıq bitib.

"Digər layihələr üzrə işlər sürətlə gedir. Bəzi layihələrdə layihə gücü artıq 70%-i ötüb", - Saleh Məmmədov qeyd edib.

Onun sözlərinə görə, bu ilin sonu - 2025-ci ilin ortalarında qeyd olunan layihələrin 80-90%-i tamamlanacaq.