Dağıstanda 800-dən çox ev su altında qalıb

Dağıstanda 811 yaşayış evi və mindən çox həyətyanı sahə su altında qalıb.

APA xəbər verir ki, bu barədə Rusiya Fövqəladə Hallar Nazirliyi məlumat yayıb.

"Dağıstan Respublikasında 4 inzibati rayonda, 6 yaşayış məntəqəsində 811 yaşayış evi, 1043 həyətyanı və 55 yol sahəsi hələ də su altında qalır", – nazirlikdən bildirilib.

Nazirliyin məlumatına görə, zərərin qiymətləndirilməsi üçün komissiyalar işə başlayıb.