Rusiya XİN: Ukrayna üzrə danışıqlar “pauza” vəziyyətindədir

Rusiya Ukrayna ilə bağlı danışıqların hazırda dayandırıldığını bildirib.

Bu barədə Rusiya xarici işlər nazirinin müavini Mixail Qaluzin TASS-a müsahibəsində deyib.

“Son aylarda Rusiya–ABŞ–Ukrayna formatında bir neçə raund danışıqlar keçirilib. Hazırda isə ABŞ və İsrailin İrana qarşı hərəkətləri fonunda bu proses pauza vəziyyətindədir”, – deyə o qeyd edib.

Qaluzin bildirib ki, Rusiya müzakirələri davam etdirməyə hazırdır, lakin əsas məsələ danışıqların tezliyi deyil, gündəliyin məzmunlu olmasıdır.