Tramp İrandakı hərbi əməliyyatların başa çatmaq üzrə olduğunu deyib

“ABŞ-ın İrandakı hərbi əməliyyatları başa çatmaq üzrədir və çox tez bir zamanda başa çatacaq”.

APA xəbər verir ki, bunu ABŞ prezidenti Donald Tramp Ağ Evdə xalqa müraciəti zamanı deyib.

"Bunu çox tez bir zamanda başa çatdıracağıq. Biz çox yaxınıq. Yaxın Şərqdəki müttəfiqlərimizə - İsrail, Səudiyyə Ərəbistanı, Qətər, BƏƏ, Küveyt və Bəhreynə təşəkkür etmək istəyirəm. Onlar möhtəşəm olublar və biz onların zərər görməsinə və ya heç bir şəkildə uğursuzluğa düçar olmasına imkan verməyəcəyik", - Tramp bildirib.

Tramp həmçinin ABŞ-ın İrana qarşı əməliyyatın əsas məqsədlərinə çatmaq üzrə olduğunu deyib.

"Silahlı qüvvələrimiz olduqca yaxşı nəticələr göstərib. Əvvəllər hərbi cəhətdən belə bir şey olmayıb. Hamı bunu deyir. Bu gecə məmnuniyyətlə bildirirəm ki, bu əsas strateji məqsədlərə çatmaq üzrəyik", - o əlavə edib.