Aİ Ukraynada minatəmizləmə səylərinə 360 milyon avrodan çox dəstək verib

Avropa İttifaqı və üzv dövlətlər 2022-ci ildən Ukraynadakı minatəmizləmə səylərinə 360 milyon avrodan çox dəstək verib. APA xəbər verir ki, bu barədə Aİ-nin Beynəlxalq Mina Maarifləndirmə və Mina Fəaliyyətinə Yardım Günü ilə bağlı bəyanatında qeyd edilib. Bəyanatda vurğulanıb ki, Aİ Ukraynada ən böyük donor olaraq ixtisaslaşmış avadanlıqları, aşkarlama itlərini və müharibənin partlayıcı qalıqları ilə çirklənmiş torpaqların təmizlənməsi və bərpasını dəstəkləyir.