Əraqçi: İran obyektlərinə hücumlara reaksiya verilməməsi AEBA-ya inamı sarsıdır

İran Xarici İşlər Naziri Abbas Əraqçi AEBA rəhbərliyini tənqid edib.

AAP xəbər verir ki, bu barədə o, BMT baş katibi Antoniu Quterreşə ünvanladığı məktubda bildirib.

Əraqçinin sözlərinə görə, ABŞ və İsrailin İranın dinc nüvə obyektlərinə, xüsusilə Buşehr AES-ə davam edən hücumları qanunsuzdur və insan sağlamlığı, ətraf mühit, eləcə də radioaktiv çirklənmə baxımından ciddi risklər yaradır.

O qeyd edib ki, AEBA-nın baş direktoru Rafael Qrossinin bu hücumlara adekvat reaksiya verməməsi həm təşkilat rəhbərliyinə, həm də qurumun nüfuzuna inamı sarsıdır.