Tramp: İranda vurulmuş ABŞ qırıcısının pilotu ağır yaralıdır, onu xilas etmək üçün səmada yeddi saat qaldıq

ABŞ Prezidenti Donald Tramp İranda vurulmuş ABŞ qırıcısının pilotunun xilas edildiyini açıqlayıb.

APA xəbər verir ki, o, bu barədə “Truth Social” hesabında yazıb.

“Biz İran dağlarının dərinliklərindən ağır yaralı və həqiqətən cəsur F-15 ekipaj üzvünü/zabitini xilas etdik.

İran hərbi qüvvələri onu ciddi şəkildə, çoxsaylı qüvvələrlə axtarır və yaxınlaşırdı. O, çox möhtərəm bir polkovnikdir. Bu cür əməliyyatlar canlı qüvvə və texnika üçün böyük risk daşıdığına görə nadir hallarda həyata keçirilir. Demək olar ki, belə şeylər baş vermir! İkinci əməliyyat birincidən sonra həyata keçirildi. Bu əməliyyatda pilotu gündüz vaxtı xilas etdik — bu da qeyri-adi haldır və İran səmasında yeddi saat qaldıq. Hamı tərəfindən möhtəşəm cəsarət və peşəkarlıq nümayiş etdirildi!”, - Tramp qeyd edib.