Rəsmi Tehran: Hörmüz boğazı ABŞ gəmiləri üçün də açıqdır, amma İranın razılığı alınmalıdır

Hörmüz boğazı ABŞ gəmiləri üçün də açıqdır, lakin keçid yalnız İranın razılığı ilə və düşmən hərəkət olmadığı halda mümkündür.

Bunu İran xarici işlər nazirinin müavini Səid Xətibzadə Britaniyanın ITV telekanalına açıqlamasında deyib.

“Hörmüz boğazı açıqdır. Lakin əlbəttə ki, hər bir tanker və hər bir gəmi təhlükəsiz keçid üçün İran hakimiyyəti ilə zəruri tədbirləri razılaşdırmalıdır”, — diplomat bildirib.

O, ABŞ gəmilərinə boğazdan sərbəst keçid hüququnun tətbiq olunub-olunmadığı sualına müsbət cavab verib.

“Heç bir fərq yoxdur, yalnız hər hansı düşmən davranış istisna olmaqla. Lakin biz hesab edirik ki, hazırda belə əlamətlər yoxdur. Buna görə hər kəs adi qaydada keçə bilər”, — Xətibzadə əlavə edib.