Kreml Putinin xüsusi nümayəndəsinin ABŞ-da səfərdə olduğunu təsdiqləyib

Rusiya Prezidentinin xüsusi nümayəndəsi Kirill Dmitriyev Donald Tramp administrasiyası ilə görüşmək üçün ABŞ-a səfər edib.

APA-nın Moskva bürosu xəbər verir ki, bu barədə Kremlin rəsmi nümayəndəsi Dmitri Peskov bildirib.

O qeyd edib ki, Dmitriyev Ukrayna münaqişəsinin həlli ilə bağlı danışıqlar aparmır, lakin ABŞ-la iqtisadi əməkdaşlıq qrupu çərçivəsində işləyir.

Qeyd edək ki, “Reuters” agentliyi Dmitriyevin ABŞ-da səfərdə olduğunu və orada Tramp administrasiyasının üzvləri ilə görüşlər keçirdiyi barədə məlumat yayıb.

Məlumata görə, müzakirələr Ukrayna və Rusiya ilə ABŞ arasında iqtisadi əməkdaşlıq mövzularına yönəlib.