Ermənistanda yol qəzasında 6 nəfər ölüb

Ermənistanda yol qəzası baş verib, 6 nəfər ölüb.

Bu barədə Ermənistan Səhiyyə Nazirliyi məlumat yayıb. Məlumata görə, qəza nəticəsində 5 nəfər xəsarət alıb, onlardan 3-ü uşaqdır. Yaralılar İrəvana aparılır.

Hadisə bu gün saat 12:00 radələrində Armavir–Gümrü avtomobil yolunda qeydə alınıb.

“Opel” və BMW markalı avtomobillər toqquşub, nəticədə BMW yoldan çıxaraq xəndəyə düşüb.

Faktla bağlı cinayət işi başlanıb, ölən və yaralananların şəxsiyyəti müəyyənləşdirilir.