Rusiya Buşehr AES-dən bütün işçilərini demək olar təxliyə edib

Rusiya İranın Buşehr Atom Elektrik Stansiyasından bütün əməkdaşlarını demək olar təxliyə edib.

APA xəbər verir ki, bu barədə Rusiyanın “Rosatom” şirkətinin rəhbəri Aleksey Lixaçev bildirib.

O qeyd edib ki, bu gün AES-dən 108 işçi təxliyə edilib, 20 nəfər isə avadanlıqlara nəzarət etmək üçün stansiyada qalacaq.

Lixaçev vurğulayıb ki, işçilərin təxliyəsi İran hakimiyyəti ilə koordinasiya olunub.

O əlavə edib ki, Rusiya hazırda bu stansiyada daha iki nüvə reaktoru tikir.