İsrail Livanda “Hizbullah”ın 3 üzvünü əsir götürdüyünü açıqlayıb

İsrail Livanın cənubunda keçirilən əməliyyat zamanı üç “Hizbullah” üzvünün əsir götürüldüyünü bildirib.

APA xəbər verir ki, bu barədə İsrail ordusunun mətbuat xidməti məlumat yayıb.

Hadisənin Bint-Cubeyl bölgəsində baş verdiyi qeyd olunur. Məlumata görə, döyüşdən sonra üç nəfər silahı yerə qoyaraq İsrail hərbçilərinə təslim olub. Onlardan birinin “Radvan” xüsusi təyinatlı qüvvələrinin üzvü olduğu qeyd edilir.