XİN: Bakı və İrəvan Rusiya vətəndaşlarının İrandan təxliyəsinə əhəmiyyətli dəstək verib

Rusiyanın vətəndaşlarının İrandan təxliyəsində Ermənistan və Azərbaycan əhəmiyyətli yardım göstərib.

Bunu TASS-a müsahibəsində Rusiyanın Xarici İşlər Nazirliyinin Konsulluq Departamentinin direktoru Aleksey Klimov bildirib.

Diplomat qeyd edib ki, Bakı Rusiya vətəndaşlarına 2020-ci ildən fərdi keçid üçün bağlı olan “Astara” sərhəd-keçid məntəqəsindən istifadə imkanı yaradıb.

Bu imkan Tehrandakı Rusiya səfirliyinin əvvəlcədən təqdim etdiyi müraciət əsasında təmin olunub.