Dünya bazarlarında “Brent” neftinin qiyməti 126 dolları ötüb

"ICE London" qitələrarası birjasında keçirilən ticarət əməliyyatlarının gedişində “Brent” neftinin ixracına dair 2026-cı ilin iyun müqaviləsinin dəyəri 6,92% artaraq 1 barelə görə 126,2 ABŞ dolları təşkil edib.

"APA-Economics”in məlumatına görə, Nyu-Yorkun "NYMEX" əmtəə birjasında 2026-cı ilin iyun ayında ixrac etməklə "WTI" markalı neftin 1 barelinin qiyməti isə 2,97% artaraq 110,05 ABŞ dollarına bərabər olub.